У гэты дзень 2 лютага 1906 г. у Ваўкавыску нарадзіўся рабін доктар Зэрах ВАРХАФЦІГ (іўрыт: זרח ורהפטיג, ідыш: זרח ווארהאפטיק, таксама Zerah Wahrhaftig, Zorach Warhaftig або Zérach Varhaftig) — юрыст, палітык і адзін з заснавальнікаў партыі «МАФДАЛЬ» (рэлігійнай нацыянальнай партыі) Ізраіля. Ён быў адным з тых, чый подпіс стаяў пад Дэклярацыяй Незалежнасьці Ізраіля.

21 студзеня 1910 г. у в.Новы Двор Ваўкавыскага павета нарадзілася польскі дзяржаўны дзеяч, вучоны-філолаг, магістр філасофіі, выкладчык Яўгенія КРАСОЎСКА-ЯДЛОЎСКА. Яна паходзіла з сям’і педагогаў (бацька быў школьным настаўнікам у Беластоку). У 1935 годзе скончыла Універсітэт Стэфана Баторыя, дзе да 1939 года працавала навуковым супрацоўнікам і асістэнтам катэдры гісторыі польскай літаратуры.

15 студзеня 1964 г. у в. Тупічаны Ваўкавыскага раёна нарадзіўся воін-інтэрнацыяналіст Юрый ГРЫГУЦЬ. Беларус, член ВЛКСМ. Маці, Вера Іванаўна, палявод саўгаса «Воўпа», бацька, Леанід Іосіфавіч, качагар піянерлагера «Энергетык». У 1981 г. Юрый скончыў Воўпаўскую сярэднюю школу, паступіў у Гродзенскае ПТВ № 49 хімікаў. 30 верасня 1982 г. прызваны ў Савецкую Армію Гродзенскім АГВК.

9 студзеня 1925  г. у Ваўкавыску нарадзіўся вядомы польскі геафізік, прафесар універсітэта навукі і тэхналёгіі ў Кракаве Станіслаў ПЛЕВА. У Ваўкавыску Плева скончыў пачатковую школу і адзін кляс гімназіі. У 1946 годзе ў Тарноўскім ліцэі матэматыкі і фізікі атрымаў ступень бакалаўра. Быў салдатам Арміі Краёвай Зямлі Тарноўскай Кракаўскай акругі па мянушцы Янус, з базай Цэзар-Селіна [...]

1 студзеня 1944 года ў Ваўкавыску нарадзілася Тэрэза Тараньска — польская журналістка і пісьменьніца. У 70-х гадах супрацоўнічала са штотыднёвікам «Культура», а затым таксама з парыжскім эмігранцкім часопісам «Культура», які з’яўляўся культурным і палітычным цэнтрам польскай эміграцыі. З’яўляецца аўтарам кнігі «Яны», якая зьмяшчае інтэрв’ю з былымі дысідэнтамі і камуністычнымі чыноўнікамі аб іх ацэнцы дасягненьняў сацыялізму [...]

100 гадоў таму 30 снежня 1911 года ў в. Марцянаўцы нарадзілася беларуская пісьменніца, паэтка, педагог Лідзія Парамонаўна ЯЛОЎЧЫК (у замужжы Лісок). Член Саюза беларускіх пісьменьнікаў (1993 г.). Закончыла 4 клясы школы ў Оршы, дзе сям’я апынулася ў час першай сусветнай вайны. З 1921 г. на радзіме. У 1934 г. закончыла Гарадзенскую прамыслова-гандлёвую школу.