• Сайт города Волковыска - новости города, района, Беларуси.

Інтэлектуальны сакавік – брэйн-гульні і рэспубліканскі «Савёнак»

Інтэлектуальны сакавік – брэйн-гульні і рэспубліканскі  «Савёнак»

Увесь год трэнера і знатакі Шчучына, Гродна, Воранава Ваўкавыска, Краснасельскага і Росі чакаюць адзінага на нашу вобласць чэмпіяната па «Брэйн-рынгу». Спаборніцтва, дзе з-за кнопкі, усмешкі фартуны, мінімальных памылак лідэры не маюць значнай перавагі над дэбютантамі. І будзе гэты, для на мегазначны, турнір 25 сакавіка.

Вялікая колькасць жадаючых прымусіла ваўкавычан арганізаваць замест аднаго, два спаборніцтва. І 11 сакавіка адбыўся чэмпіянат раёна сярод ювеналаў, на які сабраліся, што прыемна адзначыць, не толькі адны і тыя ж (Ваўкавыск СШ № 4 – больш за ўсё каманд, гімназія 1 і СШ № 8 – ўсё лепш і лепш, СШ № 7, Краснасельскі ЦТДіМ, Рось СШ № 2,СШ № 5, Ваўкавыскі ЦТДіМ – як звычайна ў фаварытах, СШ № 3 – цёмная лашадка). Але цудоўна, што даехаў Падароск (пляскаем у далоні дзецям і педагогам). Мо прыехаў бы і яшчэ хто, аднак неафіцыйны статус спаборніцтва не дазваляе прасіць у дырэктара школы аўтобус.

І нават афіцыйны чэмпіянат сярод сямікласнікаў Беларусі «Савёнак» 18 сакавіка можа не дачакацца маладых талентаў. Адбылося супадзенне раённых прадметных алімпіяд з дадзеным мерапрыемствам, і толькі сапраўдныя фанаты могуць, пасля некалькіх гадзін працы над задачкамі ў школе, «ляцець» на «Сваю гульню» і «Што? Дзе? Калі? ». Для каманды з СШ № 2 г.п. Рось наогул гэта становішча вельмі балючае, таму што менавіта вучні 7-х класаў гэтай навучальнай установы у дадзеным сезоне “рвалі ўсіх» на раёне і не толькі. І без сумнення, на маю думку, адабраліся б на рэспубліку. Дзякуй нашым кіраўнікам, што перанеслі пачатак “Савёнка” на 13-00, і хоць нехта з Краснасельскага і Росі павінен паспець, аднак відавочна, што ў гэтым годзе мы не здолеем выставіць на турнір усіх лепшых.

Што датычыцца вынікаў брэйна сярод ювеналаў (на які сышлося 14 каманд), адзначым перамогу гадаванцаў Бабіч М.В. (Экстрым – 1-е месца) і Бяляевай Е.В. (ЧМК – 3-е месца), якіх здолелі напружыць менш вопытныя прадстаўнікі СШ № 3 (Дзеці Ньютона). Лепшай кнопачніцай стала прадстаўніца СШ № 2 г.п. Рось Кочатава Віта (зусім без вопыту здолеўшая перамагчы натрэнірованых на гэтых жа кнопках сталых інтэлектуалаў).

На жаль, такі яскравы і маштабны турнір трымаецца толькі на гасціннасці кіраўніцтва СШ № 7 і самаахвярнасці ваўкавыскіх трэнераў (асабліва Марыны Бабіч). Шкада,што ён не выклікае цікавасць у мясцовых уладаў і не мае нават статусу «раённы», хоць мае ўжо абласны ўзровень. І для чыноўнікаў, якія жывуць па прынцыпу «без бумажкі ты букашка», грамата адзінага турніра па брэйну Гродзеншчыны без належнай пячаткі не мае кошту.

Але нашым дзецям і трэнерам галоўнае паказаць свае лепшыя здольнасці, навучыцца цярпець і не здавацца. І супер-турнір, які збярэ не менш за 20 каманд з усёй вобласці, у чарговы раз зробіць Ваўкавыск цэнтрам інтэлектуальнага руху. Усё як звычайна – СШ № 7, 11-30, субота. Спяшыце бачыць бітву лепшых кнопачнікаў, хуткіх эрудытаў са сталёвымі нэрвамі. 25 сакавіка будзе вельмі цікава. 

паўфінал

Самая моцная кнопачніца - Кочэтава Віта прынімае віншаванні жюры



Комментарии от авторизованных пользователей видны всем пользователям сразу, анонимные только после модерации!

Войдите Или зарегистрируйтесь

Добавить комментарий

Последение комментарии

Вечерний концерт ко Дню города

Конечно


Вечерний концерт ко Дню города

Алесь, а ты 2 рэ за вход заплатил?))


13 ліпеня ў Ваўкавыску дэбютуе шоў-гульня Jack Quiz

Через тернии к звездам!