• Сайт города Волковыска - новости города, района, Беларуси.

Школьніца з Ваўкавыскага раёна стала пераможцам першага этапу конкурсу «Чытаем па-беларуску з velcom

Школьніца з Ваўкавыскага раёна стала пераможцам першага этапу конкурсу «Чытаем па-беларуску з velcom

Падведзены вынікі першага этапу рэспубліканскага конкурсу «Чытаем па-беларуску з velcom» для вучняў 7 і 8 класаў. На працягу 2 з паловай месяцаў удзельнікі конкурсу запісвалі відэа, на якіх яны чытаюць творы са школьнай праграмы па беларускай літаратуры. Школьнікі з усёй Беларусі даслалі на конкурс 2048 відэа агульнай працягласцю больш за 45 гадзін. Удзельнікі з Гродна і Гродзенскай вобласці заявілі на конкурс 304 відэа. 30 з іх сталі пераможцамі першага этапу, адзін з фіналістаў прадстаўляе Ваўкавыскі раён. Гэта Аляксандра Сурмач:

Прыём работ на конкурс «Чытаем па-беларуску з velcom», які праходзіць пры падтрымцы Міністэрства адукацыі Рэспублікі Беларусь, завяршыўся 20 снежня. Затым адбылося пасяджэнне журы, якое вызначыла па 30 лепшых прадстаўнікоў ад кожнай вобласці і горада Мінска, якія выступяць у другім этапе конкурсу.

У склад журы конкурсу ўвайшлі пісьменнік, рэдактар часопіса «Вясёлка», лаўрэат Дзяржаўнай прэміі Уладзімір Ліпскі, пісьменніца, лаўрэат Дзяржаўнай прэміі Беларусі Раіса Баравікова, галоўны спецыяліст упраўлення агульнай сярэдняй адукацыі Міністэрства адукацыі Ірына Булаўкіна, акцёр і тэлевядучы Юрый Жыгамонт, паэткі Кацярына Массэ і Маргарыта Латышкевіч.

«Гэта цуд! Я ўражаны тым, як дзеці чытаюць класікаў беларускай літаратуры. Як яны разумеюць гэтыя творы і прапускаюць іх у самую душу. Яны сапраўдныя артысты! Уражвае і тое, як добра яны ведаюць беларускую мову і валодаюць ёй. Я ўдзячны арганізатарам за тое, што далі жыццё такому цудоўнаму праекту», - падзяліўся сваімі ўражаннямі ад знаёмства з конкурснымі работамі старшыня журы Уладзімір Ліпскі.

Ініцыятарам конкурсу выступае кампанія velcom. «Мы хацелі б падзякаваць усім удзельнікам конкурсу, а таксама іх педагогам і бацькам за ўвагу да праекта і сапраўдную цікавасць да беларускай літаратуры. Мы рады, што праект «Чытаем па-беларуску з velcom» адкрывае для вучняў свет беларускай літаратуры па-новаму, а таксама выкарыстоўвае магчымасці сацыяльных сетак для адукацыі», – адзначылі ў velcom.

Удзельнікі конкурсу размяшчалі ролікі на асабістай старонцы ў адной з сацыяльных сетак – Вконтакте, Facebook або Instagram. Лідэрам сярод рэгіёнаў стала Гомельская вобласць, адкуль на конкурс паступіла 355 відэа. Самымі актыўнымі ўдзельнікамі конкурсу сярод гараджан сталі школьнікі Мінска – імі было даслана 326 відэа. А самым актыўным раёнам быў Слаўгарадскі ў Магілёўскай вобласці, вучні 7 і 8 класаў з якога прачыталі для конкурсу 34 творы беларускай літаратуры.

З Гродзенскага рэгіёна журы выбрала 30 удзельнікаў, якія будуць запрошаныя да абласнога фінала конкурсу, які пройдзе ў Гродне. З абласнога цэнтра ў фінал прайшлі 13 відэа, астатнія ўяўляюць Ашмяны, Ліду, Шчучын, Слонім, Смаргонь і іншыя гарады і мясцечкі.

«Мне вельмі прыемна, што кожны вучань з усёй адказнасцю і захапленнем падышоў да ўдзелу ў гэтым праекце. Было вельмі цікава назіраць за тым, як кожны імкнецца вылучыцца і ўпрыгожыць свой выступ. Дзякуй усім удзельнікам за такую ўвагу да праекта і за іх талент, які па-сапраўднаму парадаваў нас, сябраў журы конкурсу «Чытаем па-беларуску з velcom» – пракаментаваў акцёр і вядучы Юрый Жыгамонт.

Падчас першага этапу конкурсу да праекта далучыліся і дарослыя, якія праявілі ініцыятыву падтрымаць удзельнікаў. Сваё прачытанне беларускіх твораў запісалі на відэа генеральны дырэктар і топ-менеджэры velcom, прадстаўнікі дыпмісій замежных дзяржаў, прадстаўнікі Беларусі на міжнародным дзіцячым конкурсе «Еўрабачанне», гульцы футбольных клубаў «Крумкачы», «Іслач», «Мінск», працоўныя калектывы «МТЗ» і «ММЗ», маладыя паэты, студэнты БДУ.

З лютага па красавік 2018 года пройдуць рэгіянальныя фіналы, дзе чытальнікі выступяць перад журы ўжывую. Па іх выніках пяцёра лепшых ад кожнага рэгіёну будуць узнагароджаны сучаснымі смартфонамі і атрымаюць магчымасць пазмагацца за перамогу ў вялікім рэспубліканскім фінале. Ён пройдзе ў Мінску ў траўні 2018 г., пераможцам конкурсу будуць уручаны смартфоны маркі Apple.


Комментарии

Анонимный пользователь 2018/01/08 20:36

Сашка! Мы тобой гордимся! Привет из Анапы!


Анонимный пользователь 2018/01/09 18:38

Сашка! Мы тобой гордимся! Привет из Анапы!

Извините! Согласны!!! Спасибо!


Анонимный пользователь 2018/01/26 20:31

Дорогая Александра,
горжусь тобой!Как красиво ты все сделала!Умница!Поздравляю!
С наилучшими пожеланиями,
Валентина Антоновна


Анонимный пользователь 2018/02/02 18:56

Умничка!


С 1 декабря 2018 года только зарегистрированные пользователи могут оставлять комментарии!

Войдите Или зарегистрируйтесь

Последение комментарии

Успех творческих коллективов городского Дома культуры на фестивале искусств «Хрустальная лира»

Молодцы! Поздравляю!!!!!!! Браво руководителю!


Успех творческих коллективов городского Дома культуры на фестивале искусств «Хрустальная лира»

Волковыск должен гордиться такими коллективами а местные власти должны помогать юным артистам, кот...


Предупреждение самоубийств

Опять много-много слов, много-много бездоказательной и откровенной пропаганды, а в итоге пустот...


Ученики СШ № 7 посетили с экскурсией Свято-Петро-Павловский собор

В этом предложении " Если Вы хоть одного человека спасли, хоть одному помогли и хоть одному пока...


Предупреждение самоубийств

Люди, которые хоть раз читали Священное Писание, наверняка испытывают потребность в разъяснении пр...


Предупреждение самоубийств

Нет никакого противоречия. У вас примитивное мышление, от того и вывод такой. Понимаете, есть еще...


Предупреждение самоубийств

Клуб духовного общения? Кто не с нами тот против нас? В чужой монастырь со своим уставом не ходят,...