30 верасня 2016 года ў Гродзенскім абласным метадычным цэнтры народнай творчасці адбыўся абласны конкурс размоўнага жанру.

У конкурсе прынялі ўдзел каля пяцідзесяці ўдзельнікаў у наступных намінацыях: проза, паэзія, камедыйна-сатырычня творы і лепшае ўвасабленне твора беларускіх класікаў.

Трэба адзначыць, што найбольшая колькасць удзельнікаў была ў намінацыі “паэзія”.

Матэрыял, які выкарыстоўвалі выканаўцы, быў разнастайным: аўтарскія, класічныя творы, творы малавядомых аўтараў. Удзельнікамі былі работнікі культры, вучні школ, навучэнцы вучэбных устаноў, людзі розных прафесій.

Усе раёны нашай Гродзеншчыны прадставілі на конкурс выканаўцаў.

Пераможцамі сталі ўдзельнікі з Гродна, Бераставіцкага, Шчучынскага, Астравецкага, Ашмянскага, Навагрудскага раёнаў.

У намінацыі “Паэзія, інсцэніроўка паэтычнага твора” трэцяе месца ў ваўкавычанкі Аляксандры Грушэвіч.

У намінацыі “Проза, інсцэніроўка празаічнага твора” другое месца заняла Кацярына Клімчук з Ваўкавыска.

Спецыяльны дыплом “За яскравае ўвасабленне патрыятычнай тэматыкі ў аўтарскім творы” атрымаў Вячаслаў Макуць.

Віньшуем!