• Сайт города Волковыска - новости города, района, Беларуси.

Будзьма беларусамі: геаграфія мясцін Гарадзеншчыны, дзе вучацца па-беларуску

У большасці раённых цэнтраў Гарадзенскай вобласці сітуацыя з беларускім навучаннем лепшая, чым у буйных гарадах. Але ёсць населеныя пункты, дзе ўвогуле за апошнія гады не створаны беларускія класы.

У якіх раёнах Гарадзеншчыны да беларускай мовы ставяцца больш па-дзяржаўнаму? Ніжэй Вы знойдзеце адказ і на гэтае пытанне. Паважаныя бацькі, для падачы заяў у першыя беларускія класы па Гарадзенскай вобласці можна арыентавацца па школах, дзе створаны беларускія класы ў папярэднія гады.

Дадатковую інфармацыю (нумары тэлефонаў) па беларускіх школах вобласці можна знайсці праз інтэрнэт-сайты школ і праз раённыя аддзелы адукацыі.

Ініцыятыўныя бацькі разам з грамадскімі арганізацыямі (ТБМ, ТБШ, саюзы пісьменнікаў) і настаўнікамі ствараюць для сваіх дзяцей беларускія класы. Спадзявацца ў гэтым пытанні трэба найперш на сябе. Калі ёсць жаданне, то праз інтэрнэт можна знайсці аднадумцаў амаль у любым горадзе і раёне вобласці і арганізаваць ініцыятыву. Такую важную справу нельга кідаць на самацёк.

Пытанні для кансультацый па стварэнні беларускіх класаў можна задаваць па ніжэйпрыведзеных тэлефонах ці дасылаць на эл.пошту Гарадзенскага ТБМ: tbm.garodnia@tut.by

Тэлефоны Гарадзенскай абласной арганізацыі ТБМ: Вэлкам- 943 -58-09 (Крой Аляксандр Ільіч), МТС-285-93-07 (Буднік Іван Фёдаравіч)

Табліца № 1 Дынаміка колькасці беларускіх класаў і вучняў у рускамоўных школах Гарадзенскай вобласці за 2011-2014 гг.

tabl_mova1

У апошнім радку і слупку звесткі прыблізныя, бо сітуацыя зменлівая.

Табліца № 2 Беларускія класы і вучні ў Гарадзенскай вобласці ў рускамоўных школах на 1.09.2014г.

tabl_mova2

Пакуль дакладна невядома пра Астравецкі раён. Ці зніклі ранейшыя беларускія класы, ці была нейкая абмылка. У апошнім радку і слупку некаторыя звесткі прыблізныя, бо сітуацыя з колькасцю дзяцей зменлівая.

Зялёным колерам выдзелены раёны, якія маюць больш 100 чалавек у рускамоўных школах.

Самыя лепшыя паказчыкі ў 5 раёнах Гарадзеншчыны, дзе па-дзяржаўнаму ставяцца да беларукай мовы (бацькі, грамадскія арганізацыі і ўлады): Гродзенскі, Лідскі, Слонімскі, Шчучынскі, Ваўкавыскі.

Чырвоным колерам пазначаны два самых горшых раёна Гарадзенскай вобласці, якія не адкрылі за апошнія 5 гадоў ніводнага беларускага класа ў рускіх школах: Воранаўскі (самы “польскі” раён па перапсу 2009г.) і Бераставіцкі.

Недалёка “адстаў” Карэліцкі (самы “беларускі” раён Гарадзенскай вобласці па перапісу насельніцтва 2009 г.) і Дзятлаўскі.

Нягледзячы на гучныя заявы кіраўніцтва Беларусі па папулярызацыі беларускай мовы, 2014 год стаў для Гарадзеншчыны самым нізкім па колькасці дзяцей, якія пайшлі ў першыя беларускія класы ў рускамоўных школах.

Калі ў мінулыя гады звычайна не набіралі ў першыя беларускія класы ў 5-8 раёнах вобласці, то у 2014 г. — у 9 раёнах. Мясцовы сабатаж?

Табліца № 3 Колькасць беларускіх школ і вучняў у 17 раёнах Гарадзенскай вобласці на 1.09.2014 г.

tabl_mova3

У 2014 г. у першыя класы вобласці ва ўсе тыпы школ з рознымі мовамі навучання пайшло 11969 чалавек. Дакладных звестак пра колькасць дзяцей, якія пайшлі ў першыя класы ў школы з беларускай мовай мы не атрымалі. Але маем агульныя звесткі па колькасці вучняў ў школах Гарадзеншчыны з беларускай мовай выкладання — 17551 вучань. У васьмі раёнах Гарадзенскай вобласці у беларускіх школах вучыцца менш 1000 чалавек — Бераставіцкі, Гродзенскі, Дзятлаўскі і інш. (пазначаны чырвоным колерам). Па колькасці беларускіх школ у сельскай мясцовасці — Гродзенскі раён самы горшы ў вобласці (4 школы засталося на самы вялікі па плошчы ў Гарадзенскай вобласці раён).

Праўда, назіраецца і адваротны працэс. У розных гарадах вобласці і буйных паселішчах за апошнія 5 гадоў былі адкрыты ў рускамоўных школах шматлікія беларускія класы.

Беларускамоўныя на сёння ведаюць і рускую, і беларускую мовы, таму як ніхто адпавядаюць імператыву сучаснасці. Альтэрнатывы шматмоўю ў цывілізаваным свеце сёння не існуе.

Выдатнае валоданне як мінімум дзяржаўнымі мовамі – гэта паказчык талерантнасці грамадства, а павага да роднай мовы – гэта павага і да сябе! Вы сябе паважаеце? Не звяртайце ўвагу на іншых, калі ў моўным пытанні вы з імі не згодны, рабіце так, як патрабуе ваша душа і сэрца. Мы ўсе розныя, таму і ўнікальныя!

У шматлікіх гарадах Беларусі бацькі ўжо вучаць сваіх дзяцей у беларускіх класах, каб яны валодалі дзвюма дзяржаўнымі мовамі, бо толькі ў беларускім класе Вы зможаце добра авалодаць і рускай, і беларускай мовамі.

Самае галоўнае – пачынаць трэба з сябе, а не чакаць пакуль сусед гэты крок зробіць першым. Дык будзьма беларусамі!

Твой стыль



Комментарии от авторизованных пользователей видны всем пользователям сразу, анонимные только после модерации!

Войдите Или зарегистрируйтесь

Добавить комментарий

Последение комментарии

Первый этап "Alma Dance" в 2017

Ребята молодцы. Но дальше будет еще сложнее. Ведь дальше все места куплены и зарезервированы нечестн...


Родители жалуются на советский флаг в волковысской школе. Завуч: «Мы обсудим этот вопрос с директором»

А сами откуда? Неужели не из СССР? Неужели так быстро все забывается? А еще говорите, что нужно чтит...


На Волковыщине подвели итоги Года культуры

Шкада, што ні слова не прагучала на роднай мове. Нават ні літаркі на экране сцэны


Умения по изготовлению свадебного каравая в Волковысском районе войдут в госсписок ценностей

И как же вашей бабушки была фамилия (ну или имя отчество хотя бы)?


Умения по изготовлению свадебного каравая в Волковысском районе войдут в госсписок ценностей

Моя бабушка в Моисеевичах была первая каравайница. И мы маленькие помогали лепить сахарные цветы. И,...


Юные волковысские танцоры призеры областного танцевального конкурса

Учитель Радион, так а деньги почему не вернули потом? Это во-первых. А во-вторых, успехам всем рады,...