Дзень Незалежнасці (фота, відэа)

Сёння ваўкавычане і госці горада адзначаюць Дзень Незалежнасці. Святочныя мерапрыемствы пачаліся ў скверы Памяці, дзе з прывітальным словам да прысутных звярнуліся старшыня Ваўкавыскага раённага Савета дэпутатаў Віталь Навіцкі. Слова было прадастаўлена таксама райваенкаму Аляксандру Харашуну і моладзевай актывістцы Марыі Ільянковай.

У гонар герояў вайны прагучалі залпы воінскага салюту. Да помніка воінам-вызваліцелям былі ўскладзеныя вянкі і святочная калона прайшла да асноўнага месцы дзейства на пляцоўку па вуліцы Маркса.

Перад прысутнымі выступілі старшыня Ваўкавыскага райвыканкама Міхаіл Сіцько і кіраўнікі дэлегацый з Польшчы і Расіі: намеснік старшыні акруговага Савета дэпутатаў муніцыпальнага ўтварэння «Гусеўская гарадская акруга» Андрэй Гняздзілаў, старшыня гарадской Рады горада Седльцэ Генрык Нядзёлка, сакратар Седльцэ Славамір Мархель, бурмістар Міхалова Марэк Назарка, бурмістар Лемборка Вітольд Намышляк, намеснік бурмістра горада Лапы Кшыштаф Галашэўскі, намеснік дырэктара Кедайнскага раённага самакіравання Юліюс Лукашэвічус.

Затым перад гледачамі выступілі калектывы мастацкай самадзейнасці.

Фота: Уладзіслаў Мігдалёнак