Гукаем вясну на Ваўкавышчыну (фота)

У народзе кажуць, што калі на Грамніцы нап’ецца певень вадзіцы, то на Юр’я наесца вол травіцы. Грамніцы, якія святкавалі 2 лютага, прайшлі пад знакам «+», таму варта чакаць раней вясну.

Сіноптыкі пішуць, што цёплае і вільготнае надвор’е захаваецца да канца лютага. Сонца будзе свяціць не ўвесь час, на другой палове тыдня нас зноў чакаюць мокры снег, дождж і туман. Будзе яно так ці інакш трэба спадзявацца на тое, што хутка да нас прыйдзе вясна. Тым больш што ў паветры адчуваецца яе водар, гракі і вароны пачалі свае чарговыя паседжанні ў парку. Мы стаміліся ад зімы… Вясна — хутчэй да нас!

Здымкі: Уладзіслаў Мігдалёнак