Кнігу “Духу магутныя чары: Ларыса Геніюш ва ўспамінах, лістах, архіўных матэрыялах” прэзентаваў укладальнік Міхась Скобла. З ім у Гродна завітала і спявачка Таццяна Грыневіч-Матафонава, якая выканала некалькі песен на вершы Геніюш.

Міхась Скобла адзначыў, што траціна кнігі гэта ўспаміны 60 аўтараў, што ўзгадваюць Геніюш добрым удзячным словам. Адзін з тэкстаў, перад тым, як патрапіць у кнігу, прайшоў доўгі шлях: у 1971 годзе Ларыса Геніюш перадала яго Васілю Быкаву, а ён праз год перадаў тэкст Нілу Гілевічу. У Гілевіча ён праляжаў 41 год і толькі потым патрапіў да Скоблы.

gen1

Пра жыццёвы лёс Ларысы і яе мужа Янкі расказаў прафесар Аляксей Пяткевіч. Выступіў і праваслаўны святар Аляксандр з Зэльвы. Ён нагадаў, што Ларыса Геніюш была вельмі веруючым чалавекам. На 90-годдзе паэткі ў царкве ўсталявалі памятную шыльду, на 100-годдзе – адкрылі пры царкве невялікі музей.

gen3

У пачатку 90-х у Гродне ў Каложскай царкве адбываліся чытанні імя Геніюш. Айцец Аляксандр пажадаў, каб гэтая традыцыя хутчэй аднавілася.

На сустрэчы ўпершыню прагучала песня Таццяны Грыневіч-Матафонавай “Ой ляны” на верш паэткі. Акрамя тэкстаў Геніюш прагучаў яшчэ і паланэз Агінскага “Развітанне з Радзімай”.

gen2

Твой Стыль