• Сайт города Волковыска - новости города, района, Беларуси.

У цікавы час жывем: перад чэмпіянатам раёну па інтэлектуальных гульнях

У цікавы час жывем, шаноўныя інтэлектуалы. Турніры сярод школьнікаў Ваўкавыскага раёну пераўтварыліся ў маштабныя мерапрыествы.

І 8 кастрычніка, і 3 снежня больш за 20 каманд зацята рубілася ва ўсіх узроставых катэгорыях. Цудоўна бачыць не толькі адсутнасць вольнага месца, але і здольнасць дзяцей «трымаць удар», прымаць паразу як чарговы крок да прагрэсу, да будучай галоўнай перамогі – уласнага самаразвіцця. Нягледзячы на даволі няпростыя пытанні, падрыхтаваныя Марынай Бабіч, дзеці не выглядаюць стомленымі напрыканцы турніру, яны жвава рэагуюць на новыя выклікі, з інтарэсам разглядаюць пераможцаў па свайму ўзросту і прыкідаюць, ці здолеюць на наступным спаборніцтвы іх перамагчы.

Відавочна – сёння, дзякуючы вопытным трэнерам з Ваўкавыскага і Краснасельскага ЦТДзіМ, СШ № 7, СШ № 5, СШ № 2 г.п. Рось, дзеці якіх даўно грымяць на вобласці і калі-некалі замахваюцца і на рэспубліканскія вышыні, а таксама новым педагогам з СШ № 2, СШ № 4, Ізабеліна, замешваецца крутая інтэлектуальная прастора. Дададзім, што ў СШ № 8, Гімназіі № 1 з’явіліся неслабыя каманды, дзе, хочацца верыць, трэнер і дзеці знайшлі адзін аднаго…

cgk

І ў гэтых умовах вельмі класна чакаць не толькі чэмпіянат раёна, што плануецца на 10 снежня. Хочацца верыць, што ваўкавыскія дзеці масава стануць выбіраць інтэлектуальныя гульні як сродак адпачынку і развіцця. Аднак на кожным спаборніцтве знойдзецца такая Баба Яга, якая, нібы ў савецкім мультфільме, заўжды супраць. Прадстаўніца адміністрацыі навучальнай установы, у сцянах якой праходзіў турнір, выказала катэгарычнае патрабаванне, каб педагогі сядзелі ў камандах разам з дзяцьмі і дапамагалі апошнім гуляць. Пэўна, правілы, адзіныя для усіх беларускіх інтэллектуалаў, не дзейнічаюць на тэрыторыі асобнай школы. Хочацца верыць, што гэта пазіцыя не гімназіі, а проста аднаго чалавека, вельмі далёкага ад інтэлектуальных гульняў. Прыходзьце гуляць у ЧГК, паважаныя, і вы убачыце, што выйграваваць можна і чэсна, і самастойна.

liven

У Гродзенскай вобласці на сёння звыш 300 камандаў б’юцца за першыя месцы, і гарантаваць, што менавіта нашы дзеці перамогуць, вельмі складана. Але адно зразумела – у нас ёсць умовы да спадзяванняў на высокія месцы, і зараз, і ў будучым. Мы верым, што нашы дзеці самі даб’юцца поспехаў… Без ганебных зліваў…

cup_cgk

Не трэба марнаваць свята інтэлекту, якое адбудзецца 10 снежня. І хай пераможа каманда з любой установы, якую тут пералічылі. Там, дзе рэальна працуюць, прагрэсуюць, вераць у сябе.

burlaki

І калі так будзе, раней ці пазней якога-небудзь студзеня адбудзецца тое, чаго даўно ўжо не было… На асінхроне хто-небудзь з дзяцей даб’ецца перамогі і пройдзе на фінал рэспублікі… І гэта будзе поспех кожнага, хто сёння з’яўляецца часткай класнага, яскравага, ваўкавыскага інтэлектуальнага руху… Чакаем!



Комментарии от авторизованных пользователей видны всем пользователям сразу, анонимные только после модерации!

Войдите Или зарегистрируйтесь

Добавить комментарий

Последение комментарии

В Волковыске из школьной столовой выносили продукты, а в Гродно детям недокладывали овсянку

на то она и столовая, чтоб вкалывать!!! класса набираться...хорошие повара там не пыляться, а работа...