22 студзеня пасол Рэспублікі Польшча Лешэк Шарэпка, генеральны консул у Гародні Анджэй Хадкевіч, прадстаўнікі амбасад Літвы і Латвіі, гарадзенскага Саюза палякаў, грамадскія дзеячы і журналісты наведалі помнікі Кастусю Каліноўскаму і Рамуальду Траўгуту ў Свіслачы, а таксама магілу старэйшага брата кіраўніка паўстання 1863 года Віктара Каліноўскага.
Лешак Шарэпка і Анджэй Хадкевіч ускладаюць вянок да помніка генералу паўстання Рамуальду Траўгуту
Удзельнікі мерапрыемства запалілі знічкі і ўсклалі вянкі да помнікаў. Ніхто з мясцовых чыноўнікаў, якіх таксама запрашалі прыняць удзел ва ўшанаванні памяці ўдзельнікаў вызвольнага паўстання пад кіраўніцтвам Кастуся Каліноўскага, так і не з’явіўся. Яны раптам пахварэлі.
А вось міліцыянтаў і людзей у цывільным, што сачылі за мерапрыемствам з машын, было дастакова.
Польскія дыпламаты ачольваюць шэсце да помніка Рамуальду Траўгуту. Крайні злева — генеральны консул Польшчы ў Гродне Анджэй Хадкевіч. Першы ў тройцы (у цёмных акулярах) пасол Польшчы Лешак Шарэпка
Хвіліна маўчання каля помніка генералу паўстання Рамуальду Траўгуту
Кветкі усклалі таксама сустаршыня аргкамітэта па адзначэнні Года Каліноўскага лідар Руху “За Свабоду” Аляксандр Мілінкевіч, адказны сакратар аргкамітэта — першы намеснік старшыні арганізацыі Юрась Губарэвіч і старшыня Камітэта «Салідарнасць» Іна Кулей.
Фота Арцёма Лявы
Наши Партнеры
Волковыск в старых фотографиях - коллекция старых фотографий города
baranovichi24.by - сайт города Барановичи: новости, расписание, погода
volkovysk.org - Новости региона и соседей: Волковыск, Беларусь, Россия