• Сайт города Волковыска - новости города, района, Беларуси.

«У мяне няма трэцяга вока, і я не ўдзельнік перадачы «Бітва экстрасэнсаў». Галоўны прагназіст «Трыбуны»

«У мяне няма трэцяга вока, і я не ўдзельнік перадачы «Бітва экстрасэнсаў». Галоўны прагназіст «Трыбуны»

Блог Tribuna.com працягвае знаёміцца з самымі актыўнымі карыстальнікамі нашага сайта. Андрэй Колас – пераможца турніра Ліга прагнозаў. Пагутарылі з Адрэем аб тым, як яму гэта ўдалося, і аб шмат чым іншым.

- Раскажыце крыху пра сябе. Чым займаецеся?

– «Здравствуйте! Мне 34 года. Меня зовут Андрей. Я алкоголик» :) Жартую, канешне :) Мне, насамрэч, 34 годы. Я дырэктар турыстычнай фірмы. Таксама я працую выкладчыкам спецыяльных турыстычных дысцыплін (маркетынг у турызме, менеджмент турызма, эканоміка ў сферы турызма і інш). Маю жонку, сына, дачурку і двух катоў :) Жыву ў вёсцы Падароск, Ваўкавыскага раёну, Гродзенскай воласці.

- У Фэйсбуку Вы стварылі клюб у падтрымку шляхецкай сядзібы ў вёсцы Падароск. Раскажыце пра гэтую сядзібу. Якое яна мае для Вас значэнне? Чаму Вы яе хочаце адрадзіць?

– Так. У ФБ ёсць суполка «Маёнтак Падароск». Гэта супока аб шляхецкай сядзібе, дзе мы (я разам з заснавальнікам фірмы) збіраемся адчыніць Музей беларускай шляхты. Справа добрая. У 2013 годзе сядзіба была набыта ў Міністэрства культуры. Нарэшце, ў верасні гэтага года ў сядзібу заехалі будаўнікі. Будзем аднаўляць спадчыну :)

Асноўным сэнсам стварэння і існавання Музея беларускай шляхты я бачу барацьбу з памылковым стэрыятыпам, што беларусы – гэта сялянская нацыя. Асабіста мне як гісторыку крыўдна, што большасць беларусаў не ведае аб існаванні менавіта беларускай шляхты, як саслоўя. Крыўдна, што большасць беларусаў з цяжкасцю назаве некалькі выбітных шляхцічаў. Але ж я веру, што наш Музей дазволіць выправіць гэтыя хібы.

- Дарэчы, у сацыяльных сетках Вы выкарыстоўваеце псеўданім Якуб Колас. Чаму?

– Гэта псеўданім толькі часткова. Маё прозвішча - Колас. Тут ўсё сапраўдна. А вось зваць мяне - Андрэй. Але ж даўно, пры рэгістрацыі ў сацыяльных сетках, я вырашыў «запсеўданіміцца».

- Вось як, цікава. Напэўна, менавіта Якуб Колас Ваш любімы пісьменнік?

–Не гледзячы на тое, што маё прозвішча Колас, мой любімы пісьменнік не Якуб Колас, а Уладзімір Караткевіч. :) Я прачытаў большасць яго твораў, а некаторыя нават перачытваў. :) З замежных пісьменнікаў люблю Рэмарка і Булгакава.

- Давайце звернемся да спорту. Якое месца ён займае у Вашым жыцці?

Калі можна лічыць рыбалку за спорт, тады вялізарнае :) Насамрэч, калі быў студэнтам, то мяне цікавілі баскетбол і спартыўнае арыентаванне. Нават меў корачку, дзе было напісана 2 разрад :) Нажаль, зараз не хапае сілы волі, каб займацца нейкім пэўным відам спорту нават на аматарскім узроўні. Выключэнне - гэта рыбалка. Зараз я больш падобны да тэле-камп'ютарнага аматара.

- Як вы пазнаёміліся з «Трыбунай»?

З «Трыбунай»я пазнаёміўся з самага пачатку. Дагэтуль чытаў Goals.by.

- Колькі часу прысвячаеце нашаму сайту?

На Вашым сайце бываю амаль штодня. Звычайна па 15-30 хв. Можа быць і гадзіна, але ж гэта зрэдку.

- Што на «Трыбуне» любіце чытаць? Ці маеце якога фаварыта з нашых аўтараў?

Наконт аўтараў, то я не магу вылучыць нікога. Чытаю розных аўтараў. Усе прыблізна аднолькавага ўзроўню. Я не засяроджваю ўвагі на аўтарах, больш надаю ўвагі напісанаму. Хачу параіць рэдакцыі выдаваць на сайт больш аналітыкі, бо "цыцкі, гарэлка і лазня" – гэта, канешне, патрэбна, але ж і пра аналітыку, дасканалыя разборы матчаў, статыстыку і прагназаванне хацелася б грунтоўней і паболей.

- Вы пераможца ў лізе прагнозаў, напэўна, маеце нейкія здольнасці да прадказанняў вынікаў гульняў. Ці спрабавалі рабіць стаўкі на грошы?

Не, ніякіх здольнасцяў, падобных да Вангі, не маю. У мяне няма трэцяга вока, і я не ўдзельнік перадачы «Бітва экстрасэнсаў» :) Так, я перыядычна раблю стаўкі на грошы. Але ж стаўлю хутчэй на цікавасць, а не для буйнога выйгрышу. У мяне прынцып не ставіць больш 5-10 у.а.

Трэба дадаць, што эксперыментальным шляхам, сачыўшы за каафіцыентамі ў канторах, я прыйшоў да высновы: Калі б я пачаў з першага тура ставіць на беларускі чэмпіянат сістэмай «Галіяф», то напрыканцы чэмпіянату ў мяне б была сума ў 1,5 - 2 разы болей за заяўленую на пачатку. На працягу года я не прапускаў ніводнага туру прагназістаў, але ж стаўкі рабіў не рэгулярна і, паўтаруся, больш для надання цікавасці і адрэналінасці пры праглядзе матча.

- Галоўная праблема для тых, хто гуляе ў лігу прагнозаў, - не забыцца перад пачаткам тура прадказаць вынікі матчаў. Не сутыкаліся з такой праблемай?

Так, згодны, сутыкаўся, але ж у мінулыя гады. У гэтым годзе праявіў дастатковую самадысцыпліну. Скажам так - самаарганізаваўся, і ўсе 30 тураў рабіў прагноз за некалькі гадзін да пачатку тура. Так, гэта патрабуе пэўнай сканцэнтраванасці на працягу года.

- Усе мы ведаем моўную сітуацыю ў нашай краіне. Нажаль, многіх часта здзіўляе, што хтосьці размаўляе на мове. Вы размаўляеце выключна па-беларуску?

Не. Выкладаю цалкам на мове. У хаце і на працы размаўляю прыблізна так: 40 % чыста руская мова, 50 % трасянка, 10 % выключна беларуская мова. У інтернэце і ліставанні: 70 % мова, 20 % руская, 10 % трасянка.

Лічу, што трасянка - гэта першы крок да мовы. Беларуская мова ўвайшла ў маё жыццё паступова. Спачатку быў факультатыў з 2 па 4 клас, пасля з 5 класа па 11 заняткі ў школе. Але ж школа дала разуменне мовы, а не карыстанне ёю.

Пасля ў каледжы чытаў беларускую літаратуру і спрабаваў размаўляць на мове на занятках і з беларускамоўнымі сябрамі. Нарэшце, пасля 10 год навучання ў больш-менш беларускамоўных навучальных установах пачаў часам карыстацца мовай у паўсядзённым жыцці.

Фота: Tribuna.com



Только авторизованные пользователи могут оставлять комментарии!

Войдите Или зарегистрируйтесь

Последение комментарии



В райисполкоме чествовали футболистов

Уйдет Генадич и волковысскому футболу крышка


Тренер из Волковыска окончил курсы Высшей школы тренеров

Прежде чем критиковать кого-то, хотя бы раз придите на соревнования по волейболу. Заодно и узнает...


Тренер из Волковыска окончил курсы Высшей школы тренеров

Если ХОЧЕТСЯ ВИДЕТЬ И ОТДАТЬ ДЕТЕЙ НА ВОСПИТАНИЕ.. в малых городках, как наш, Алекно или Сингаевском...


Тренер из Волковыска окончил курсы Высшей школы тренеров

Волковыск знаменит действительно волейболистами мастерами своего дела..практиками .прошедшие в...



Юные волковысские борцы призеры областной спартакиады спортшкол

Уважаемая Марина-Елена! Не стесняйтесь присылать информацию на vaukavysk@gmail.com, о чём мы Вам пос...