На Ваўкавышчыне праваслаўныя адзначаюць Радаўніцу (ФОТАФАКТ)

У гэты дзень ад часоў сівой старажытнасці беларусы, як і астатнія ўсходнія славяне, паміналі продкаў. На магілах бацькоў і блізкіх сваякоў адбываліся трапезы.

У адных мястэчках Беларусі на могілках збіраюцца ў Наўскі Чацвер, у другіх, як на Ваўкавышчыне — на Правадную нядзелю. Але ў большасці наведванне могілак адбываецца на 9-ты дзень пасля Вялікадня. Зазвычай у гэты дзень зранку памінаюць сваякоў у царкве, а потым ідуць на могілкі. Існуе народны звычай прыносіць для памерлых велікоднае яйка. Святары ж адзначаюць, што галоўнай павінна быць малітва за спачылых.