Ваўкавыск святкаваў Масленіцу (ФОТА)

Кожнаму з нас вядома гэта цудоўнае свята, калі маці напячэ духмяных блінцоў, а потым можна і гульні ладзіць.

У народзе гэтае свята вельмі любілі і казалі, што калі хто-небудзь адмовіцца яго святкавать, то будзе жыць у горкай бядзе. Але ж хіба можна было адмовіцца ад такога цудоўнага свята?

Не адмовіліся сёння і ваўкавычане і госцікі горада, тым болей, што надвор’е спрыяла. У параўнні з мінулым годам людзей на свяце было паболей.

Любіцелі прысмакаў маглі пачаставаца на гандлёвых радах мёдам, блінамі і шашлыком, набыць жывой рыбы.

Усё гэта суправаджалася канцэртам, які зладзілі сперш госці з суседняй Слонімшчыны – народны вакальны ансамбль “Славяначка”, а потым і маладыя выканаўцы Ваўкавышчыны.

Некалькі гадоў таму «Славяначка» заняла першае месца на конкурсе ўкраінскай песні ў Горадні, таму з’яўляецца пастаянным і жаданым госцем на ўкраінскім падворку Гродзенскага фестывалю нацыянальных культур. І сёння госці не абыйшлі бокам украінскую тэму і як бы ў працяг учорашняга Дня герояў Нябеснай сотні выканалі некалькі песень «За Украіну!».

Нажаль, з-за недахопу часу песень, танцаў ля вогнішча, гучных званочкаў на конях і спальвання пудзіла мы не дачакаліся, таму прапануем невялічкі рэпартаж з першых дзвюх гадзін мерапрыемства.

Смачна есці! І вясёлай Масленіцы!