• Сайт города Волковыска - новости города, района, Беларуси.

Люстрадзён на сёньня

Люстрадзён на сёньня

У 1910 г. у Ваўкавыску нарадзіўся Натан Яфімавіч КОБРЫНСКІ — савецкі вучоны ў галіне дакладнай механікі, эканамічнай кібернетыкі, папулярызатар навукі. Доктар тэхнічных навук, прафесар (1951). Брат Арона Кобрынскага.

Дакладныя дадзеныя, на жаль, не захаваліся.

У 1931 г. скончыў Маскоўскі інстытут сілікатаў і будматэрыялаў, працаваў у МАІ, з 1935 г. загадчык катэдры тэорыі механізмаў і машын МВТІ. З 1939 г. — у Інстытуце машыназнаўства АН СССР. У 1948 г. выконваў абавязкі намесніка дырэктара па навуковай частцы ў новаствораным Інстытуце дакладнай механікі і вылічальнай тэхнікі АН СССР. У 1951-1959 гг. прафесар катэдры лічыльна-матэматычных машын і прыладаў Пензенскага індустрыяльнага інстытута. Выкладаў тэорыю машын і механізмаў разам з Б. А. Трахтэнбротам, за гэты час напісаў у суаўтарстве з ім манаграфію «Уводзіны ў тэорыю канчатковых аўтаматаў”.

У 1959 г. прызначаны намеснікам начальніка вылічальнага цэнтра Дзяржплана СССР, затым начальнік аддзела па ўкараненні матэматычных метадаў і вылічальнай тэхнікі ў народнай гаспадарцы. У 1965-1968 гг. загадчык катэдры вылічальнай тэхнікі і праграмавання МІЭІ. У 1968-1985 гг. працаваў у Маскоўскім эканоміка-статыстычным інстытуце (да 1974 г. загадчык катэдры эканамічнай кібернетыкі). Кобрынскі — адзін са стваральнікаў новага навуковага накірунку — тэорыі дакладнасці механізмаў. Распрацаваў метады і стварыў прыборы для вымярэння кутніх хуткасцяў і паскарэнняў (1940-1942 гг.). Прапанаваў тэорыю і прынцыпы пабудовы аналагавых вылічальных машын (1948-1952 гг.). Аўтар навуковых артыкулаў, манаграфій, падручнікаў.

З 1959 г. зноў у Маскве, узначаліў новаствораную катэдру электронна-вылічальнай тэхнікі ў Маскоўскім інжынерна-эканамічным інстытуце (цяпер Дзяржаўны універсітэт кіравання), затым выкладаў там жа на катэдры эканамічнай кібернетыкі.

Выпусціў некалькі манаграфій. У 1980-я гг. сумесна з А. Д. Смірновым і Я. З. Маймінасім напісаў падручнік “Эканамічная кібернетыка”, па якім многія гады вучыліся эканамісты-матэматыкі Расеі і іншых краін СНД. Падручнікі Кобрынскага з’яўляюцца запатрабаванымі па гэты дзень.

Як папулярызатар навукі выпусціў у 1959 г. напісаную сумесна з Віктарам Пякелісвс кнігу “Хутчэй думкі”, якая складаецца з трох адносна незалежных частак: «Матэматыка і жыццё» (пра вылічальную матэматыку), «Машына лічыць» (пра вылічальную тэхніку) і “Машына “думае” (пра кібернетыку). У 1969 г. у суаўтарстве з братам Аронам Кобрынскім апублікаваў у кніжнай серыі «Эўрыка» кнігу «Ці шмат чалавеку трэба?», якая растлумачвае прынцыпы арганізацыі і працы сістэм кіравання ў аўтаматах і эканоміцы.

Памёр у 1985 г. у Маскве.



Комментарии от авторизованных пользователей видны всем пользователям сразу, анонимные только после модерации!

Войдите Или зарегистрируйтесь

Добавить комментарий

Последение комментарии

Люстрадзён на сёньня

Любопытно было бы взглянуть на документы, коренной волковычанин )))


Люстрадзён на сёньня

Хватит клеветать на спец службы. Не знаешь - не пиши. У меня 7 поколений жителей Волковыска ,на всех...


«Прасіце Бога, каб нас уз’яднаў…» Шчыры расповед остарбайтэра з Падароску

кто автор, мне понравилось


В Волковыске проводятся раскопки захоронений

Да я тоже слышал .один мой знакомый говарил что его хотели вытащить. но не смогли .пригоняли танк...