• Сайт города Волковыска - новости города, района, Беларуси.

Люстрадзён на сёньня

17 кастрычніка 1893 г. у Ваўкавыску нарадзіўся рыма-каталіцкі святар, рэлігійны і грамадзкі дзеяч Павал Сямёнавіч ХОМІЧ.

Паходзіў з сялянскай сям’і, у якой бацька быў праваслаўным, а маці – каталічкай. 22.10.1905 г. прыняў каталіцкае веравызнанне. У 1907-1910 гг. вучыўся ў Ваўкавыскай гарадзкой 4-кляснай вучэльні. Скончыў у Петраградзе Магілёўскую духоўную каталіцкую сэмінарыю і Мітрапалітальную духоўную акадэмію. У часе вучобы наведваў культурна-асветны гурток беларускуіх студэнтаў-клерыкаў. Пасвечаны ў святары ў 1916 г. Быў прызначаны вікарыем на станцыі Вырыца Царскасельскай чыгункі. Пазней выконваў святарскія абавязкі на Пскоўшчыне. У пачатку 1920-х гг. пробашч парафіі св. Кацярыны ў Ленінградзе. Пазней – у парафіі св. Казімера. Арыштаваны 2 чэрвеня 1926 г. Прысуджаны да 10 гадоў лягераў. Адпраўлены на Салаўкі, дзе заставаўся да ліпеня 1933 г. З 21 ліпеня 1932 г. да 25 красавіка 1933 г. знаходзіўся ў турме ОГПУ у Ленінградзе («на Шпалерцы»). У часе допытаў ад яго патрабавалі адмовіцца ад духоўнага сану. Стаў хварэць псыхічна. З 28 чэрвеня 1938 г. жыў у ваколіцах Кастрамы. У 1939 г. нелегальна вярнуўся ў Ленінград. 1 сакавіка 1942 г. прысуджаны Вайсковым трыбуналам да расстрэлу. Расстраляны 10 сакавіка 1942 г.

Падрабязней тут.



Комментарии от авторизованных пользователей видны всем пользователям сразу, анонимные только после модерации!

Войдите Или зарегистрируйтесь

Добавить комментарий