• Сайт города Волковыска - новости города, района, Беларуси.

Люстрадзён на сёння

Люстрадзён на сёння

25 мая 1868 года ў Ваўкавыску нарадзіўся шахматыст, прэтэндэнт на сусветнае першынство, шахматны тэарэтык, практык і журналіст, гросмайстар ЯНОЎСКІ Давід Маркелавіч.

Жыў у Расеі, Францыі, ЗША. Пераможца буйных міжнародных турніраў у Вене (1896 г.), Монте-Карла (1901 г.), Парыжы (1902 г.) і мноства матчавых сустрэч. Удзельнік матчаў на першынство свету з Эмануэлем Ласкерам (1909 і 1910 гг.). Унёс каштоўны ўклад у развіцьцё дэбютнай тэорыі.

Не атрымаўшы сур’ёзнай адукацыі, Яноўскі тым не меньш валодаў высокай агульнай культурай, свабодна гаварыў па-руску, па-французску, па-нямецку, па-польску і па-ангельску. Ва ўзросце 23 гадоў ён прыехаў у Парыж, дзе хутка ўразіў парыжскіх шахматыстаў дасціпнай і яркай гульнёй. Да 1-й сусьветнай вайны выступаў у спаборніцтвах як прадстаўнік Расеі. Выйграўшы першы прыз у чэмпіянаце Café de la Régence (знакамітае парыжскае кафэ, якое ў XVIII і XIX стагоддзях праславілася як цэнтр гульні ў шахматы), Яноўскі затым змагаўся амаль ва ўсіх буйных шахматных спаборніцтвах таго часу, яго лепшы перыяд быў паміж 1898 і 1906 гадамі. Вандруючы з турніру на турнір, ён ашаламляў сваіх праціўнікаў яркімі нападамі і раптоўнымі ўдарамі. Сярод пацярпелых пабывалі ўсе вядучыя шахматысты свету, уключаючы і Ласкера. Пад уражаннем сваіх турнірных поспехаў і некалькіх удалых партый з чэмпіёнам свету Ласкерам Яноўскі адважыўся выклікаць яго на матч, але сілы былі няроўныя. Вынік аказаўся жаласным. Мудры практык і глыбокі псіхолаг, Ласкер свядома ствараў сумныя пазіцыі, не даючы Яноўскаму разгарнуць сваю фантазію ва ўсю моц. Зрэшты, Яноўскага не займала чэмпіёнства як такое, ён усё жыццё адстойваў яркі і відовішчны стыль. Яго дзёрзкія напады і бліскучыя камбінацыі дзівілі нябачанай рызыкай. У той час шахматы яшчэ не ператварыліся ў вялікі спорт, а былі проста часткай чалавечай культуры. Яноўскім больш валодала цяга стварыць прыгожую, суцэльную партыю, чым перамагчы ў што б там ні стала. «Яноўскі быў вялікім шахматыстам, але сярэднім спартсменам і слабым псіхолагам», — аднойчы сказаў пра яго Ласкер. Па ўспамінах сучаснікаў вядомы і запал Яноўскага да азартных гульняў. Ён гуляў апантана у карты (брыдж ці покер) і раз за разам прайграваў усё тое, што яго талент і праца прыносілі яму ў шахматах. У 1901 годзе ён спусьціў у казіно Монтэ-Карла увесь свой першы прыз. Рызыка Яноўскага перашкаджала яму не толькі ў жыцьці. Сапраўдны мастак у мастацтве шахмат, ён, тым не меньш, не даў рады ўправіцца са сваім стылем, які пакутаваў ад дробных недахопаў, у першую чаргу ад адсутнасці самакрытыкі і самавалоданьня. Яноўскі заўсёды граў на напад, нават калі для гэтага не было ніякіх падстаў; менавіта з-за гэтага ён прайграў мноства партый.

Пасля Мангеймского турніру 1914 года Яноўскі пераехаў у Амерыку, дзе пражыў 10 гадоў. Там ён спачатку быў трэцім па сіле гульцом (пасля Хасэ Раўля Капабланкi і Фрэнка Джэймса Маршала), але паступова маладыя майстры сталі яго адціскаць. Нягледзячы на гэта, часам Яноўскі дэманстраваў былую моц і свой яркі стыль, якому ён застаўся верны да канца дзён. Нью-ёркскі клімат апынуўся неспрыяльным для яго здароўя, і ў выніку хваробы Яноўскі вымушаны быў вярнуцца ў Францыю, дзе ён пражыў яшчэ 2 гады.

Смерць напаткала яго 15 студзеня 1927 года ў мястэчку Еры, куды ён прыбыў для ўдзелу ў турніры.



Комментарии от авторизованных пользователей видны всем пользователям сразу, анонимные только после модерации!

Войдите Или зарегистрируйтесь

Добавить комментарий

Последение комментарии

Люстрадзён на сёньня

Любопытно было бы взглянуть на документы, коренной волковычанин )))


Люстрадзён на сёньня

Хватит клеветать на спец службы. Не знаешь - не пиши. У меня 7 поколений жителей Волковыска ,на всех...


«Прасіце Бога, каб нас уз’яднаў…» Шчыры расповед остарбайтэра з Падароску

кто автор, мне понравилось


В Волковыске проводятся раскопки захоронений

Да я тоже слышал .один мой знакомый говарил что его хотели вытащить. но не смогли .пригоняли танк...